කුණු මාළු 1.කොටස

                         

 ලංකාවේ පදිංචි මා මිත්‍රයකු සමග දුරකථන සංවාදයක යෙදී සිටි අවස්ථාවක ඔහු පැවසුවේ,ඔහු සමග "රජ බඩුවක්" සෙට් වී ඇති බවය.එහෙම කිව්වාම මම හිතුවේ අම්බ "කෑල්ලක්" සෙට් වෙලා කියලය.කතාව දුරදිග යන විට මා වැරදි බව වැටහින.රජ බඩුව කිවේ ලංකාවේ නායක කාරකාදීන් ට,ඒ කියන්නේ ජනතාව ගොනාට අන්දා රට කරවන නොව රට කන හැත්තට කියා ඕනෑම දෙයක් කරවා ගත ඇහැකි බුල්ටෙක් ගැනය.ජපන් ආයෝජකයන් සිටී නම් රටටත් වැඩක් කොට අපටත් ගොඩ යා හැකි බවය.එවිට මා ඔහුට පැවසුවේ......,
"මම නම් මචන් කොහොමත් ගොඩ ...හැක්...හැක්.... උඹට ඕනෙම නම් කියපන් මම ලබන මාසේ එද්දී කීප දෙනෙක් එක්කං එන්නම්,හැබැයි උන්ව නන්න කරලා මගේ කාඩ් කුඩු කරනව එහෙම නෙමෙයි.."
"පිස්සුද මචෝ,මම ඌ එක්ක මෙහෙ උන්ට රජයේ, මහවැලියේ,රක්ෂිත වල ඉඩම් එයාලගේ නමටම පිරිසිදු ඔප්පු පිටින් පැවරුවා.අපිත් ගොඩ ගත්ත උනුත් ගොඩ.දැන් එවුන් ඒවල හෝටල් හදල,සමහරු වගාවල් එල ගේම් කාරය"
"හරි මචන් මම සෙට් කරලා එන්න ඉස්සර උඹට කතා කරන්නම්.තිබ්බ කිව්වා එහෙනම්..."
"OK ....ජය වේවා මචෝ....."
රටට සුභ දායක දෙයක් වෙන එකට මම කවදත් සතුටු වුන කෙනෙක්මි.කලක පටන් මගේ සිත නිතරම කිව්වෙත්,උඹ මේ සුන්දර රටෙන් ඉගෙනගත් දෙයක් තෝ ඉපදුන රටටත් කරහන්කෝ යකෝ කියාය.
"මචන්,මම එන saturday එනවා ජප්පෝ තුන් දෙනෙක් එක්ක...
එකෙක් මෙහෙ tuna king කියන Kiyoshi Kimura ගෙ පුතා මගේ ගජය.
එයාලගේ ට්‍රෝලර් දාල නැගෙනහිර මුදේ Blue & Yellow ටුන අල්ලන්න  ඕනලු"
"අප්පට උඩු ඔය තියෙන්නේ බඩු..එල..එල..."
"තව එකෙක්,Health Product කරන එකෙක් ගෙ පුතෙක්,එයාලට කොතල  හිඹුටු වවන්න ඕනලු."
"ලෙසටම සුපිරි රජියා..."
"අනික සෝයා සෝස් හදන එකෙක්ගෙ පුතෙක්.ඔහේ වවල,ඔහෙදීම
හදන්න සුදානම.කොල්ලෝ/කෙල්ලෝ ටිකකට රස්සාවලුත් හම්බ වෙයි.."
"අඩෝ...උඹ මල් මසුරන් ගේමක් දෙන්න යන්නේ.මට මැවිලා පේනවා යකෝ අපේ මුණු TV පත්තර වල යන ඇටි ....කොහොමද මචන් අර FM වල සිංහල  මරණ පට්ට කෑලි අපෙන් වොයිස් කට් ගන්න එද්දී හැක් ...හැක්කක්..
උඹ ජපන් ඔලින්ම උත්තර දියං පට්ට @*#@#$ ඇඹරිලා යන්නම"
පළමුව මාතර බලා ගියේ ඒවන විටත් ට්‍රෝලර් කීපයක් යොදවා මුහුදේ මසුන් මරවන ඇමතිවරයකු මුණ ගැසීමටය.ජපන් අය සමග මා,මගේ මිතුරු එල්මෝ.රජ බඩුව වන සිරි මගේ කණ්ඩායමට අයිති විය.එල්මෝ විසින් කලින්ම එදින අප කණ්ඩායමේ නවාතැන  සහ ඇමතිවරයා මුණගැසීමට  Palace Hotel එක වෙන්කර තිබිණ පැය දෙකක් පමණ විවේක ගත් අප බිම් මහලේ meeting room වෙත පැමිණියේ ඇමති වරයා පැමිණ ඇති බව දැන්වූ විටය.සිරි විසින් ඇමති වරයාට අපව හදුන්වා දෙන ලදී.
    "සිරි,එල්මෝ කිව්වා මට රජීව් ගැන, රජීව් ගෙ තාත්ත නම් අපි ඒ පැත්තෙ හිටපු කාලේ නම් ගජය හෙක්... හෙක්. හේ... පැත්ත මාරු කල නිසා දැන්නම් දැක්කත් අහක බලන් යන්නෙ හෙහ්....හෙහ්... දැන් මගෙන් මොනවාද රජීව් වෙන්න ඕන.එල්මෝ නම් මට ටිකක් විස්තර කිව්වා.."
  "ඒ කිව්ව විදිය තමා ඇමති තුමා වෙන්න ඕන..."
"මෙහෙමයි රජීව්,මම දැනටත් ඔය වැඩේ ජයටම කරනවා.මූද මැදදීම අපේ
මාළු ටික ජප්පන්ගේ යාත්‍රා වලට දාල ඩිල් එක ඉවර කරමු.මම පත්තර/TV කාරෝයොන්ට බොන්න්/කන්න ටිකක් දීල පෙන්නන්නම් මේක ජපන්/ශ්‍රී ලංකා මහා ව්‍යාපෘතියක් විදියට.උන්ට දවසක් කරටි කැඩෙන්න දුන්නොත්,එකම විස්තරේ පත්තර/TV වල යයි සති දෙකක් එල ටහික්...හික්..."

"ඔබ තුමාල කරන ක්‍රමය ජපන් අයට ගැලපෙන්නේ නැහැ."
"මොකක්ද එයාලගේ කර්මේ..?"
"මෙයාල බිලි බාපු ගමන් ටුනාවල කරමල්,බොකු බඩවැල් එවෙලේම ඇදල දාල ලුණු වතුරේ බස්වල පැය කීපයක් තද ශීතල වතුරේ තබල ෆ්රිසරේ ගබඩා කරනව ලේ වැඩිපුර අපතේ නොයවා.එහෙම කලාම කෑමට ගන්න පෙර අයිස් යවල ගත්තම එවෙල අල්ලපු මාළු වගේ.ලංකාවෙන් දැනට එහෙට යවන හුගක් ඒවා ප්‍රමිතියෙන් නැති නිසා zoo වලට යවනවා සත්ව කෑම විදියට."
"මේ වේස ජප්පෝ එච්චරට ප්‍රමිති රෙද්දවල් බලනවද?ඔය අපේ මාළු ලෑලි වල උදේ ඉදල රෑ වෙනකන් තියෙන්නේ අප්පා රස්නේ වැදි වැදි..."
"හික්...හික්...ඒක තමා මෙයාල ඒවා දැක්කම හිනා යයි.අපි කන්නෙ කුණු වෙච්ච මාළු කියල."
"Blue & Yellow ටුනා එහෙ මිල අධිකයි.අර ඔබතුමා කිව්ව වගේ ජපන්/ලංකා ව්‍යාපෘතියක් විදියට H E (Her / His Ecellency )එක්කත් සාකච්චා කරලා,රජයටත් ආදායමක් එන විදියට ගිවිසුමක් හදල ලංකා කොඩිය යටතේ ජපන් අයගෙ යාත්‍රා වලින් කාටත් විනිවිදව පේන්න කරමු.."
"හෙක්...හෙක්..හෙක්... රජීව් ගෙ කතා නිකං කිරි බොන ළමයි ගෙ කතා
වගේ..හික්...හික්... ඔය විනිවිද රෙද්ද පෙන්නලා අපිට වෙන වාසිය මොකක්ද අප්පා..."
"ඇයි ඇමති තුමා...රජයට ආදායමක් එනවා කියන්නේ මුළු රටටම වාසියක් නෙ.. අපි ගිවිසුම ගැන H E එක්ක කතා කරද්දී ජපන් අය කියනව එයාල අල්ලන මාළු කිලෝවකට ගෙවන මිල.අනිත් එක පැය 24 හතර පුරා ...පිළිගත් අධීක්ෂණ නිලධාරින් හැම ට්‍රෝලර් එහෙකටම යොදවන්න ඕන
රජයෙන්.. "
              "හ්හ්ක්..හෙක්ක්..එතකොට ඔය අම්මගෙ රෙද්දෙන් අපිට ගතම් එකක් එන විදියක් ඇත්තෙම නැද්ද..?

                   මෙලෙස උස්‌ හිනා සහ ශබ්ද නගා කතා කිරීම මහත් අපුලක් බැවින්දෝ ජපනුන් තිදෙනා මුමුණ ගන්නා ආකාරය මම දුටිමි.මටද යම් අපහසුවක් නොදැනුනා නොවේ මෙතුමාගේ කතා විලාශය ගැන.

"රාජීව්;මෙහෙම කරන්න බැරිද..?...මගේ ට්‍රෝලර් වල අල්ලන මාළු එයාලගේ ප්‍රමිතියට ජප්පෝ දම්මගෙන කරගන්න කියන්න."
"ඒකට ජපනුන් කැමති නැහැ.එයාලගේ යාත්‍රා වල තිබෙන නවීන පහසුකම්,විශේෂයෙන් ෆ්රිසර් පහසුකම් ඔබතුමාලගේ ඒවල නැහැ.කොහොමත් මෙයාල කැමති රජය මැදිහත් වීමකින් කරන්න.රජය මැදිහත් වීමකින් එයාලට ලොකු ආරක්ෂාවක් ලැබෙයි කියල හිතනවා හැම දෙයකටම."
"අරි...අරි...මම පුද්ගලිකව මැදිහත් වුනත් වැඩ යන්නේ මගේ අමාත්‍යංශයේ ආරක්ෂාව යටතෙ නේ රාජීව්.."
"එතකොට මෙයාල ටුනාවලට ගෙවීම් කරන්නෙ ඔබ තුමාගේ අමාත්‍යාංශයටද ..."
"පිශ්ශුද රාජ්ව්ව්ව්ව්.....ලිය කියවිලි ගිවිසුම් අමාත්‍යංශයේ වුනාට ගනු දෙනු සිද්ද වෙන්නේ,මගේ නෝනගේ නමින් තියෙන BOI රෙජිස්ටර් කොම්පැනි එකවුන්ට් එකටනේ."
"එතන ලොකු ගැටලුවක් වෙනවා නේද...ඇමති තුමා...?"
"මොන ගැටළුද..?"
"ජපන් අය ටැක්ස් ගෙවද්දී ලංකා රජයට නොගෙවා පුද්ගලික ආයතනයකට මුදල් ගෙවල තිබුනම එයාලට ගැටළු මතු වෙනව ඇමති තුමා."
"අරි..අරී...එහෙම ඕනෙම නම් මගේ අමාත්‍යංශයේ කොළ කෑලි ටිකකක් අරි ගස්සල දෙන්නම්කො එල කිරි ටිකට.අපි කරන වැඩවල හැටියට ඕවත් වැඩද අප්පා."
පාර්ලිමේන්තුවට යාමට ඇති බව පවසමින් ඇමති වරයා ,
"ලේකම් තුමා,රිවරාරාමේ ලොකු සාදුට කෝල් කරලා හෙට උදේ වෙලාවක් දාගෙන මේ කට්ටිය එක්කන් යන්න,දත් කරඩු ව ඔලු උඩ තියල පිරිත් ලනු අතේ බන්දල මිඩියා වලට විස්තරේ දෙන්න.මමත් වෙලාවට එන්නම් මුණ පොඩ්ඩක් දාන්න පිතුර වලට.
මතක ඇතුව ලියන්න මගේ ආරාධනාව ට ආපු ජපන් ආයෝජකයෝ කියල.එහෙම උනාම තමයි ලොක්කාගෙන් ලකුණු දාගන්න පුළුවන්"
"හොදමයි ඇමති තුමා.."
"රජීව් මම අට වෙද්දී මෙතන.අර ඉඩම් ගැන කතා කරමු රෑට සෙට් වෙලාම.සකේ එහෙම ගෙනල්ල ඇති නේ...හික්...හික්....හික්...."
"ස්පෙෂල් සකේ වගයක් ගෙනත් තියෙනවා ජපන් අය හෙහ්..හෙහ්..."
"රෑට හතර දෙනාට වලදන්න නිලි කෑලි ටිහිකුත් එවන්නම්කො ....හෙක් ...හෙක්....සිරි ....අර සහනයට කෝල් කරලා කියපන් අලුත බැස්ස කෑලි 4 ක් මෙහාට 9 වෙද්දී බස්සන්න කියල.ඌ ලග ඉන්නෙම ඩ්‍රාමා කෑලි.....හැක....හැක"

# තවත් කොටසක් මතුවට..කුණු රසය පසෙකලා සිතන්න යමක් kenji ගෙන් ....දිගටම රැදී සිටින්න