සිහල සිනමාවෙ නොදුටු ඇත්ත -- (1)

අලුත් අවුරුද්දකුත් ලැබුවාය.විස්සයි දාහතර කියන්නේ එල අවුරුද්දක්ලුය.මට නෙමේය..හැමෝටමලුය...ඔය ඉලක්කන් හතරේ එකතුව ලකී හත හෙවත් සිංගලෙන් සෙවන්ය.7 වැදිලා හිටපු එවුනුත් නැගලා එනවාලු.මේක මට කිව්වේ කතරගම දෙයියෝ වඩිනව කියල කෙබර කෙලිය එකාට ගිය 31 ක ස්කයිප් එකෙන් කතා කලාමය.දැන් උඹල..."අපේ මාරයාගෙන් ඇහැව්වා නම් ලෙසටම කියයිනේ' කියලා කියන්න එපාය.මොකද මාරයා මල්ලි කෙබර කාරයෝ වාගේ පොරොසිද්ද නැතිය.ඉතිරි කිරිමෙට කෙලලා මාරුවුන තට්ටයගෙන් ඇහැව්වට හු හැන් පී කාරයන්ට කියන්නෙම තවත් ඒවගේම කෙබරය.මමත් දැන් බලාගෙන ඉන්නේ මට 7 විකසිත වෙනකන්ය....සමහරු නම් බලන් ඉන්නේ මට 7 X 7 වදිනකම් ය.ඒවා හදේය......... 

                                           ඔබ සැම සිතා සිටිනා ලෙස චන්ඩි ශ්‍යාමා මෙන් මා කුඩා කලම සිංහල සිනමාවට පිවිසියේ නොමැත.එයින් අදහස් කරන්නේ නළුවකු වශයෙන් පැමිණි බව නොවය.මට ෆොටෝ ගන්න මේනියා එකක් පොඩි කාලේ සිටම තිබිණි.ඒ මම වෙරළු ගහෙන් වැටිච්ච සංදියේ සිටය. මගේ පියාගේ මල්ලිලා දෙන්නෙක් සහ මවගේ මල්ලෙක් තනිකර කැමරා පිස්සෝය.ඒක උන්ගේ රස්සාව නෙමේය.විනෝදය උදෙසාය. උන් ටික කළු සුදු පින්තුර අරගෙන පාටත් කරනවාය.මොන මගුලකින් පාට කලාද කියා අදටත් දන්නේ නැතිය.එහෙම පාට කරපු මගේ ෆොටෝ තාමත් තියෙන්නේය.කවදා හරි fb එකට මුදා හරින්න හිතාගෙන ඉන්නවාය.මට භය කෙල්ලෝ ඒවා දැකල පිස්සු වැටෙයි ද කියලය. පොඩි කාලෙත් මම එච්චරට ම ස්වීට් ය. 

                                                       රන්මුතු දුව චිත්තර පටිය ගැන දන්නේ අපේ මේ බොගේ ඉන්න සීනියර් සිටි සෑන් කට්ටිය විතර වෙන්න ඇතිය.මම නම් ඔය සැට් එකට අයිති නැතිය. පොඩි ඒකාල/එකිලා හිතනවා ඇත්තේ තවත් මඩොල් දුවක් වෙන්න ඇති කියාය. ශ්‍රී ලංකාවේ පළමු වර්ණ චිත්‍රපටය රන්මුතු දුව කොලේ මයික් විල්සන් කියන සුද්දාය.1934 රැජිණිගේ රටේ ඉපිද,පළමුව ආමි එකටද,දෙවනුව රෝයල් නේවි වලට බැදී වැඩ කිඩ පෙන්වූ දක්ෂ කාඩරයෙකි.එහි සාර්ථකව සේවය නිමවා කෙලින්ම යන්නේ 'නෝත් කුරු දිවයිනට' ය.එහිදී ඔහු ලියාපදිංචි කිමිදුම් කරුවකු වන්නේය.ඉන්පසු ඔහු දක්ෂ කිමිදුම් කරුවකු,බෝට්ටු ධාවකයකු,සර්ෆ් & මුහුදු ස්කි කරුවකු වන්නේය. කාලයාගේ ඇවෑමෙන් ඔහු සහ ආතර් සි ක්ලාක් යන දෙදෙනා,ලස්සන සී ලංකාවේ ජිවත් වීමට තීරණය කරයි..ඒ 1956 යේ දිය. ඔහු ගැන තව විස්තර අවශ්‍ය අය මෙතනට ගොස් බලන්න..... 

1997.03_mike.wilson.,

http://kataragama.org/sages/sivakalki2.htm

                              ඔහුගේ පවුල නම් කුරු දිවයිනේ ය එලිසබත් නම් වූ නිළියකි. පට්ට එකේ රූ සපුවය ය.. දුවල දෙන්න ඊට එහාය................ මම පච්චයක් ලගට ම දැකල තිබුනේ දිවිය ලෝකේ ඉන්න අපේ ආච්චිගේ වම් අතේ කොටලා තිබිච්ච් 'කුරුස'පච්චය පමණි.......... මේ පට්ට කෙල්ලෝ දෙන්නගෙම, පච්චය කොටලා තිබුනේ රණතිසර උඩය.ඒ පියාබන සමනලයෙකි.සමටම ගැලපෙන පච්චේය.පසු කාලෙක මොවුන් අපේ නිවසට ආව ගියෝය........... ඒ කෙල්ලෝ දෙන්න මට සෙට් කොරන්න නෙමේය.ඒවා මෙතන කියන එක හොද නැතිය.වල් කතා නොවේය.මානුෂිය වශයෙන් හොද මදිය.කියවද්දී තේරුම් ගත හැකිය. මේ මම කියන සමහර ඒවා වැඩි හිටියන් ගෙන් සහ ඔවුන්ගේ මිතුරන් ගෙන් දැන ගත් විස්තර නිසා සමහර වෙලාවට නම් වගේ දේවල් ලියද්දි සුළු අඩුපාඩුකම් ඇතිවීමට හැකි බව කරුණාවෙන් සලකන්න....

                                               නලුනිලියන් ගැන නම් මා ඇසින් දුටු පියෝ ඒවාය....... මයික් විල්සන් එක්ක පට්ට සෙට් එකක් ඉදල තිබෙනවාය.එයින් ප්‍රධාන තැනක් ගන්නේ...ආතර් සි/ශේෂා පලිහක්කාර/තිස්ස අබේසේකර/තිස්ස ලියනසුරිය/ගාමිණි ෆොන්සේකා/රොඩ්නි ජෝන්ක්ලොස් /මනික් සන්ද්‍රසාගර අයය.රොඩ්නි ලංකාවේ No එකේ කිමිදුමෙකි.මයික් රොඩ්නි යුගලය දකුණේ සහ ත්‍රිකුණාමල කොනේශ්වරම් අසල මුහුදේ ගවේෂණ කටයුතු විශාල වශයෙන් යෙදන අතර ඉන් කලකට පසු රන්මුතු දුව එලි දක්වයි.ගැටවරයෝ,ජේමිස් බණ්ඩා වැනි චිත්‍රපටිද ඔහු කල ඒවලු. මයික් ගේ නිවස තිබුනේ හෝර්ටන් වට රවුමේ සිට බොරැල්ල දෙසට යන විට පළමු වම් පස හරස් පාරේ කෙලවරේ වම්පස දෙමහල් නිවසේය.

                                     මයික් උන්නැහෙට,ජර්මනියේ නිෂ්පාදිත Arriflex ll වර්ගයේ මුවි කැමරාව දී තිබුනේ ආතර් සි මහතාය.දිය යට රුගත කරන විට කැමරා ආවරණය ඇතුළු විදුලි උපකරණ සියල්ල ජර්මනියෙන් මිලට ගෙන ආනයනය කරගෙන ඇත.එයට රූගත කිරීම් අවස්ථාවේ හඩ පටිගත කරන විට,කැමරා හඩ නොඇසෙන ලෙසට කැමරාව ආවරණය කරන Blimp එකද ඇතුලත්ය. පසු කලකදී මේ සියලු උපකරන මයික් මහතා විසින් මගේ පියාට අලවි කොට ඇත.එම නිසා ආතර් සි මහතාගේ එම කැමරාවෙන් රූගත පුහුණුවීමේ වාසනාව මට පෑදිණි.මා පුහුණු වුවා පමණය.කැමරා කාරයෙක් නොවුවෙමි.නමුත් පට්ට ආතල් සමග සුපිරි පොරවල් සහ පොරිච්චියන් ලදිමි & මුණගැසිනි.

                                            මයික් මහතා සිය පවුල සමග ගත කර ඇත්තේ සුපිරි දිවියකි.මා ඔහුව දකින කාලයේ නම් හතේ හතය. ඔහු රවී ශංකර් ගේ සිතාර් වාදනයට පෙම් කල කෙනෙක්ලු.කොතරම් පෙම් කලාද කිවහොත්,හුදකලාවේ කාමරයට වැදී හඩ යන්ත්‍රයට සවන් දෙන්නේ,බ්ලෙන්ඩ් කරගත් කිරි/ගංජා ලොකු වීදුරුවෙන් තොල ගාමින්ලුය.පසු කලෙක අපේ කැමරා ආම්පන්න ගබඩා කාමරයේ කබඩයක තිබී ඒ හඩ යන්ත්‍රය සහ තැටි විශාල ප්‍රමාණයක් මට සමු වීමෙන් එය සත්‍ය බව මා හට අවබෝධ විය. 

                                          බිරිදගේ සෙල්ලක්කාර අධික වියදම් කාරී ජිවන රටාවත්,දියණියන්ගේ නැටිලි කාර දිවි පෙවතත් නිසා මුදල් අග හිගතාවයන් නිසාත් සිටි නිවසින් යාමට පවා සිදු විය. 1975 සිට 1985 වසර තෙක් දේව ඇදහැලී අධ්‍යනය කරමින් කතරගම කුටියක භාවනානුයෝගී දිවියක් ගතකොට අසනීප තත්වයෙන් නැවත කොළඹ එන ඔහු 1986 වසරේ කතරගම පෙරහැර ගැන කෙටි චිත්‍රපටයක් කොට රුවවාහිනියේ ප්‍රචාරය කොට ඇති බව කියවෙනවා. කෙසේ වෙතත් මෙපමණ කලක් ජිවිත රගමඩලේ දක්ෂතා පෙන්වූ ඔහු 1990 Swami Siva Kalki නමින් සෙල්ල කතරගම වනයේ තපස් දිවිය අරඹා 1995 පෙබරවාරි 26 දින මෙලොව හැර ගියහ......
............................................................................................................

# ඉඩ ලැබෙන පරිදි සිංහල සිනමාවේ ඔබ නොඇසූ කතා ඔබ වෙත ගෙන ඒමට අදහස් කරමි.....